சொல்லித் தெரியுமோ மன்மதக் கலை :)

இவங்க  இரண்டு பேர் முடிவும் நல்ல முடிவுதானே :) 
             ''யார் கடன் கேட்டாலும் கொடுப்பதில்லைன்னு முடிவு பண்ணியிருக்கேன் !''
           ''எந்த கடனையும் திருப்பித் தருவதில்லைன்னு நானும் முடிவு பண்ணியிருக்கேன் !'' 

ஒலிம்பிக் போட்டி இந்தியாவில் நடந்தால் :)        
          ''ஒலிம்பிக்  போட்டியை அக்ஷயதிருதியை அன்று  நடத்தணும்னு ஏன் சொல்றீங்க ?''
          ''அன்னைக்குத்தானே,  தங்கம் வாங்க  நாம  போட்டி போடுவோம் ? ''

சொல்லித் தெரியுமோ மன்மதக் கலை :)    
        ''அந்த மந்திரவாதி பொண்ணுங்களை குறி வைச்சு ஏமாத்தினது  ,எப்படி ?''
          ''தலையணை மந்திரம் இலவசமாகத் கற்றுத் தரப்படும்னு  சொல்லித்தான் !'' 

பார்க்கவும் ,கேட்கவும் அழகா எல்லோருக்கும் அமையுமா :)
           ''என்னங்க ,புளியந்தோப்பில்  நடந்து வரும் போது,என்னை ஏன் பாடச் சொல்றீங்க ?''
            ''காத்து கருப்பு எதுவும் இருந்தா பயந்து ஓடட்டும்னுதான் !''

உப்பு போடத் துப்பில்லே,ஆனா வாய் மட்டும் :)
           " சாப்பிட்டவங்க 'உப்பில்லை ,நமக் நஹி ,நோ சால்ட்,உப்பு லேதுன்னு சொல்றாங்க,சமையலிலே கவனம் வேணாமா,மாஸ்டர் ? " 
            "நாலு பேர் நாலு விதமா சொல்லுவாங்க அதையெல்லாம் கண்டுக்காதீங்க முதலாளி ! "

கும்கி யானையின் கேள்வி !
      ஏ மானிடனே ...
      வெந்ததைத் தின்று விதிவந்தால் சாவோம் என்பதை
      உன்னுடனே வைத்துக் கொள்ளக் கூடாதா ?
     வெந்ததை உண்டக்  கட்டியாய்  உண்ணக் கொடுத்து ..என்னையும் 
     எம்மினத்தை துரத்தும் இனத்துரோகியாக்குவது நியாயமா ? 

மொபைல்வாசிகள், தமிழ்மண வாக்களிக்க  இதோ லிங்க் ....http://tamilmanam.net/rpostrating.php?s=P&i=1468816

Tweet