இது மோசமான 'பிக் அப் 'ஆச்சே :)

படித்ததில் இடித்தது :)
             ''மதுபாட்டில் பறிமுதல் செய்யப்பட்ட ஆவின் பாலகத்தின் உரிமம் ரத்துங்கிற செய்தியைப் படித்து விட்டு ஏன் சிரிக்கிறீங்க ?''
             ''அந்த பாலகத்தை நடத்திக் கொண்டிருந்தவரின் பெயர் 'உதவும் உள்ளங்கள் 'ராஜேந்திரனாமே !''
இடித்த செய்தி .... ஆவின் பாலகத்தில் மதுபான விற்பனை :)

தனிமூன் போக நினைக்கிறாரோ :)      
           ''நிலவுக்குக் கூட்டிப் போகும் திட்டம்  எதுவும் இருக்கான்னு ஆர்வமா கேட்கிறீங்களே ,போகப் போறீங்களா ?''
          ''பெண்டாட்டியோடு போய் ,நான் மட்டும் திரும்பி வரலாம்னு இருக்கேன் !''

புத்திசாலிப் பசங்கதான் :)            

           ''கேட்ட கேள்விக்கு பசங்க யாரும் பதில் சொல்லாததால் வாத்தியார் நொந்து போய்விட்டாரா ,அப்படி என்ன கேட்டார் ?''
            ''முட்டாளோட கேள்விக்கெல்லாம்  பதில் சொல்லக் கூடாது ...புரிஞ்சுதான்னு கேட்டார்!''

இது மோசமான 'பிக் அப் 'ஆச்சே :)
          ''கூப்பிட்ட மறு நிமிஷமே கால் டாக்ஸிக்காரன்  வாசல்லே வந்து நிற்கிறான்னா' நல்ல பிக் அப் 'தானே ?இதுக்கு ஏன் வருத்தப்படுறீங்க ?''
         ''என் பொண்ணையும்  பிக் அப் பண்ணிக்கிட்டு ஓடிட்டானே  !''

பெண்டாட்டியைத் தேடிக்கலாம் ,நகையை :)
          ''இன்ஸ்பெக்டர் சார் ,100 பவுன் நகையோட என் பெண்டாட்டி காணாமப் போயிட்டா !''
           ''சரி நான் என்ன செய்யணும் ?''
          ''எப்படியாவது நகையை மட்டும் மீட்டுக் கொடுங்க போதும் !''

பெண்கள் நிறைய அழுதால் தாய்ப்பால் குறையுமோ ?
பெண்களின் கண்ணீருக்கும் ,தாய்ப்பால் சுரப்புக்கும் காரணம் ...
ஒரே ஹார்மோன்தான்  என்பதை நம்ப முடியவில்லை !
கணவன் விசயத்தில் தாராளமாகவும் 
குழந்தை விசயத்தில் குறைவாகவும் உற்பத்தி ஆகிறதே !

இந்த லிங்க் ....http://tamilmanam.net/rpostrating.php?s=P&i=1464939செல் மூலமாய் 'தம'ன்னா  வோட் போடுவோரின் வசதிக்காக :)

Tweet