கல்யாணப் பொண்ணுக்கு இப்படியுமா சந்தேகம் வரும் :)

* ஒட்டக் கறப்பதில் இருவரில் யார் கில்லாடி :)              
          ''உன்னை விட போலீஸ்காரர் தொழில்லே கெட்டிக்காரரா இருக்காரா ,எப்படி ?''
          ''பசு மாட்டை ரோட்டிலே ஏன் அவிழ்த்து விட்டேன்னு ,என்னிடம் இருந்ததை ஒட்டக் கறந்து விட்டாரே !''

இவனெல்லாம் இங்கே இருக்க வேண்டிய ஆளில்லை :)
            ''லெக்சரருக்கும் ,புரொபசருக்கும்  என்ன வித்தியாசம் ?''
             ''பிரசங்கிக்கும் ,அதிக பிரசங்கிக்கும்  உள்ள வித்தியாசம்தான் !''

பிழைக்கத் தெரிந்த நண்பன் :)
          ''உன்னோட திருமண அழைப்பிதழில்  வங்கிக்கணக்கு எண்ணை எதுக்கு குறிப்பிட்டு இருக்கே ?''
          ''திருமணத்துக்கு வர முடியாட்டியும் பரவாயில்லை ,மொய்யை வங்கிக் கணக்கில் போடவும்னு சொல்லி இருக்கேனே !''

பையனுக்கு இப்படியும் பாரதி நினைப்பு :)        
           '' பாரதி பிறந்த நாள் வந்தாலே எனக்கு என் தமிழ் வாத்தியார் ஞாபகம்தான் வரும் !''
            ''பாரதியாரோட கவிதைகளை அவர் அவ்வளவு அழகா சொல்லி தருவாரா ?''
            ''ஊஹும் ,அவரோட பொண்ணுங்களுக்கு  மகா,கவி ,பாரதின்னு  பெயர் வச்சிருக்காரே !''

கல்யாணப் பொண்ணுக்கு வரக் கூடாத சந்தேகம்  :)
              ''தீ அணைப்புத் துறையிலே வேலைப் பார்க்கிற வரனைப் பார்த்தா நல்லாத்தானே இருக்கு ,ஏண்டி வேணாங்கிறே ?''
            ''வேகமா வந்து அணைப்பார்ங்கிற நம்பிக்கை வர மாட்டேங்குதே  !''

மனைவியால் நொந்தவரின் கேள்வி :)
          என் மாமனார் போனார் ...என் மாமியாருக்கு மகிழ்ச்சி !
          என் அம்மா போனார்  ..என் மனைவிக்கு மகிழ்ச்சி !
          எனக்கு மகிழ்ச்சி ...என் அம்மாவின் ஒரே மருமகள் போனால்தான்  வருமோ ?

டிஸ்கி :என் பதிவு புதியதும் பழையதும் கலந்த கலவைதான் ,*குறி இட்டது மட்டுமே புதிய பதிவு :)

Tweet