*சொப்பன சுந்தரியோட காராய் இருக்குமோ இது :)

அன்பார்ந்த வலையுலக உறவுகளே ,
               சரியாக ஐந்தாண்டுகளுக்கு முன்னால் ,இதே நாளில்தான் வலையுலகத்தை ஒரு ஏழரைச் சனி பிடித்துக் கொண்டது!அந்த ஏழரைச் சனி  தன்னை 'ஜோக்காளி'என்று அறிமுகப் படுத்திக் கொண்டதையும் மறந்து இருக்க மாட்டீர்கள்  என்று நம்புகிறேன் ! என்னவொரு பொருத்தம் பாருங்கள் ,இன்றோடு பக்கப் பார்வைகளின் எண்ணிக்கையும் 'ஏழரை 'லட்சத்தைத் தாண்டப் போகிறது !
        இன்று ஆறாவது பிறந்த நாளிலும் தொடரும் உங்கள் அன்பான ஆதரவுக்கு நன்றி :)
            
 *சொப்பன சுந்தரியோட காராய் இருக்குமோ இது :)       
            ''நான் உயில் எழுதும்போது ,நம்ம காரை அசையும் சொத்துக் கணக்கில் காட்டகூடாதா ,ஏண்டா ?''
              ''அது ஓடாமத்தானேப்பா நிக்குது !''

இவர் வீட்டுக்கு வரலேன்னு யார் அழுதா :)
           ''இது உங்க வீடு மாதிரின்னு சொல்லிட்டேன் ,வர்றேன்னு சொல்லிட்டுதான் வரணுமா ?''
             ''சொன்னாதானே , டாய்லெட் எல்லாம் கிளீன் பண்ணி வைக்கிறீங்க !''

மனைவி கையால்  குட்டுபடவுமா கொடுத்து வைச்சிருக்கணும்:)

            ''என்னது ,என் நல்லதுக்குதான்  வைர மோதிரம் கேட்கிறீயா?''
             ''ஆமாங்க ,குட்டுபட்டாலும் மோதிரக் கையால் குட்டுபட்டேன்னு சொல்லிக்கலாம் இல்லையா ?''

இதுவல்லவோ நாணயம்:)
           ''அவர்  சொன்ன  வார்த்தையை   காப்பாத்துறதிலே  நாணயமானவரா , எப்படி?''
           ''ரெண்டே நாள்லே  திருப்பி தர்றேன் ...இல்லைன்னா  பேரை  மாத்திக்கிறேன்னு கடன்  கேட்டார் ..சொன்ன மாதிரி  நாணயமா பெயரை  மாத்திக்கிட்டாரே !''

பயணிகள் மட்டுமல்ல ,பதிவர்களும் தெரிஞ்சுக்க வேண்டியது :)
வெளிநாட்டிற்கு செல்லும் சீனர்கள் கடைப்பிடிக்க வேண்டிய விதிமுறைகளை வெளியிட்டு உள்ளது சீன அரசு ...
அது அந்த நாட்டு மக்களுக்கு மட்டுமல்ல ...
எல்லா  நாட்டு மக்களுக்கும்  பொருந்தும் !
நம் பதிவர்களுக்கு எப்படி பொருந்தும் என்றால் ...
      பொது கழிப்பிடங்களில் நீண்டநேரம் இருக்க வேண்டாம் !
[பதிவைப் பற்றி வெளியே வந்து யோசிங்க ]
      கழிப்பிடங்களை அசுத்தம் செய்யாதீர்கள் !
[உங்களின் பதிவு படிப்பவர் மனதில் வக்கிர எண்ணங்களை உருவாக்கக் கூடாது ]
      பொது இடங்களில் மூக்கை நோண்டக்கூடாது !
[பதிவுக்கு மண்டையை குடைந்துக்கலாம் ,மூக்கை நோண்டக் கூடாது ]
      நூடுல்சோ ,சூப்போ உண்கையில் சத்தம் வரக்கூடாது !
[நம் பதிவு  படிப்பவரின் பொறுமையை 'உறிஞ்சி'டக் கூடாது ]
     விமானங்களில் தரப்படும் உயிர் காப்பு உடைகளை திருடாதீர்கள் !
[சிந்தித்து எழுதுபவன் பதிவர் ,காப்பிபேஸ்ட் செய்வதும் திருட்டுதான் ]
மிக மிக முக்கியம் ...
     நீச்சல் குளத்தில் சிறுநீர் கழிக்காதீர்கள் !
[பதிவைப் போடும் போது  பதட்டமோ ,பயமோ இருந்தால் மேற்கண்ட காரியம் தானாகவே நடந்து விடும் !] 

டிஸ்கி :என் பதிவு ,புதியதும் பழையதும் கலந்த கலவைதான் *குறி இட்டது மட்டுமே புதிய பதிவு :)

இங்கே க்ளிக் செய்தும் தமிழ்மணத்தில் வாக்களிக்கலாம் :)

Tweet