காஜல் அகர் 'வால்' மனதில் இருக்கும் வரை :)

பையன் சொல்லியதில் தப்பிருக்கா:)

                 ''உங்க அப்பாவோட வயதைக் கேட்டால் ,உன்னோட அண்ணன் வயதுதான்னு  எப்படி சொல்றே ?''
                  ''என் அண்ணன் பிறந்த போதுதானே அவர் அப்பாவானார் !''  

  
ராஜா ரொம்பத்தான் நொந்திருக்கிறார் :)                
            ''அரசே,பக்கத்தில்  இருப்பது எல்லாம் நட்பு  நாடுகளாச்சே ,வம்புச் சண்டைக்கு நாம் ஏன் போகணும் ?''
             ''அந்தப்புரத்தில் நடக்கிற சக்களத்தி சண்டையை காணச்  சகிக்கலையே !''

காஜல் அகர் 'வால்' மனதில் இருக்கும் வரை :)
             ''ஊழலுக்கு எதிரா போராட்டம் பண்ணி அரவிந்த் கேஜ்ரி 'வால்' டெல்லியில் ஆட்சியில் இருக்கார் ,தமிழ்நாட்டிலே மட்டும் ஏன் இப்படி ஒரு அதிரடி மாற்றம் வர மாட்டேங்குது ?''
           ''நம்ம இளைஞர்கள் மனதில் காஜல் அகர் 'வால் 'ஆட்சியில்லே
 நடந்துகிட்டு இருக்கு ?''

இன்றைய இளைஞர்கள் நீதிபதியின் கணிப்பு :)         
              ''இன்றைய இளைஞர்கள் வாழ்க்கை நான்கு பெட்டிகளில் அடங்கி விடுகிறது என்று முன்னாள் நீதிபதி சந்துரு சொல்லி இருக்காரா ...அதென்ன நாலு பெட்டி ?''
           ''டிவி,ரேடியோ ,கம்ப்யூட்டர், சவப்பெட்டியாம் !''

மனைவி என்றதும் ஞாபகம் வருவது:)
          
                                ''என்னங்க ,நீங்கதான் மந்திரியாச்சே ,ஏதாவது ஒரு திட்டத்திற்கு என் பேரை வைங்களேன் !''

                            ''அடுத்து புயல் வரும்போது ஞாபகப் படுத்து !'

பாடல் அருமை !படத்தின் பேர் கொடுமை :)
எந்தப் புற்றில் எந்தப் பாம்போ என்பது 
ஆயிரத்தில் ஒரு வார்த்தை !
'ரோஜா ஒன்று முத்தம் கேட்கும் நேரம் ' என்று தொடங்கும் இனிமையான 
பாடல் இடம் பெற்ற படத்தின் பெயர்  ...
கொம்பேறி மூக்கன் !

Tweet