மனைவிக்கு ஐஸ் வைக்கிறதா நினைச்சி மாட்டிக்காதீங்க :)

             ''TVல் காட்டுற பட்டுச்சேலை உனக்கு பாந்தமாயிருக்கும்னு   மனைவிகிட்டே ஒரு பேச்சுக்கு சொன்னது ,தப்பா போச்சா ...ஏண்டா ?''
             ''நீங்க இப்படி சொல்வீங்கன்னுதான் நேற்றே ஆன் லைன்லே ஆர்டர் பண்ணிட்டேன்னு சொல்றாளே  !''

கலப்படத்தை 'பால்மானி' கண்டுபிடிச்சுடுமே :)         
            ''பால் வியாபாரியான உங்களுக்கு ,அரசு என்ன உதவி செய்யணும் ?''
             ''பால் மானியம் எல்லாம் ஒண்ணும்  தர வேண்டாம் ,நாங்க விற்கிறப் பாலை  சுகாதார அலுவலர் பால்மானியால் செக் செய்யாமல் இருந்தாலே  போதும் !''

வயதானால் இப்படியெல்லாம் ஆகுமோ :)
           ''என்னடா சொல்றே ,உங்க அப்பாவுக்கு கண்ணும் மூக்கும் அவுட்டா ?''
            ''ஆமா , கொசு விரட்டிக் கிரீமினால் பல் தேய்ச்சிட்டு ,நுரையே வரலேங்கிறாரே !''

மனைவியின்  தூக்கத்தை இப்படியா  கெடுப்பது  :)
         ''என்னங்க ,இந்த ராத்திரி நேரத்திலே திடீர்னு பீரோ  கண்ணாடி நொறுங்கி விழுதே...அய்யய்யோ...அய்யய்யோ ....!''
        ''சும்மா கத்தாதே ,நாய் துரத்திகிட்டு வர்ற மாதிரி கனவு வந்தது ,நான்தான் கையிலே கிடைச்சதை தூக்கி எறிஞ்சேன் !''

உள்ளே போறது ஒரு மடங்கு  ,வெளியே வர்றது பத்து மடங்கா  ?
            ''தாகம் அடங்கலைன்னு சொன்னதுக்கா ,அவரை ICU ல் அட்மிட் பண்ணிட்டாங்க ?''
           ''அட நீங்க வேற !நூறு மில்லி தண்ணி குடிச்சா ,அடுத்த  நொடியே ஒரு லிட்டர்  வெளியே வந்துடுதாமே !''

இல்லாததை விளக்க ஆயிரம் பாடல் :)
நம்ம ஊர் கட்சிகளின் 
கொள்கை விளக்கப் பாடல்களைக் கேட்கையில் 
சந்தேகம் பிறக்கிறது ...
இவர்கள் கொள்கை என்ன நானூறு பக்கங்களில் ,
விளக்க முடியாத அளவிற்கு ....
கொடுங்தமிழிலா இருக்கிறது ?

' த ம ' ன்னா வாக்களிப்பது  ஜனநாயக உரிமை ,அந்த உரிமையை மொபைல் போன் மூலம்  நிறைவேற்ற  இதோ லிங்க்>>>http://tamilmanam.net/rpostrating.php?s=P&i=1459098

Tweet