என்று தீரும் இந்த சேலை மோகம் :)

இதுதான் உண்மையான காரணமா :)
                ''இளம்மனைவிக்கு முதல் பரிசா  பெரும்பாலான கணவன்கள்  மோதிரம்தான்  போட்டு விடுறாங்க ,ஏன் ?''
                ''குட்டுபட்டாலும் மோதிரக் கையால் படலாம்னுதான் !''

என்று தீரும் இந்த சேலை மோகம் :)
          ''என்னங்க ,ஆன் லைன்லே  நான் ஆர்டர் செய்த சேலை வந்திருக்கு ,அதை ஏன் இவ்வளவு ஆச்சரியமாப் பார்க்கிறீங்க ?''

           ''ஏழு கடை ஏறி இறங்கி ,நூறு சேலைத் தடவி ,கசக்கி ,விரலாலே கீறிப் பார்த்து வாங்கிறது தானே உன் வழக்கம் ?நீ எப்படி ஆர்டர்  பண்ணினே ?''

மருமகன் அப்பாவின்னா இப்படியும் ஏமாற்றலாமா :)                   
           ''ஏம்மா ,மாப்பிள்ளைக்கு  நான் போட்டது பித்தளை மோதிரம்னு  ,இன்னுமா  அவர் கண்டு பிடிக்கலே ?''
            '' அவர்தான்  உலோகம் தெரியாத ஆளாயிருக்காரே !''

ஆழம் இது அய்யா ,அந்த பொம்பளே மனசுதான்யா :)
               ''என்னங்க ,பூனை கண்ணை மூடிக்கிட்டா  பூலோகம் இருண்டு விட்டது என்று நினைக்குமாம் ...இதை சொல்றதிலே உங்களுக்கென்ன சங்கடம் ?''
               ''நான் உனக்கு தாலிகட்டி இருபது வருசமாச்சு ...நீ  நினைக்கிறதையே  கண்டுபிடிக்க  முடியலே ,பூனை என்ன நினைக்குதுன்னு எப்படி கண்டுபிடிக்கிறது  ?''

நடிகர்கள் சொல்வதும் 'டூப்பு 'தானா :)
              ''அந்த நடிகர், அடுத்த படத்தில் நடிப்பதற்கு  உயிரோட இருப்பாரான்னு தெரியலியா ,ஏன் ?''
              ''இப்ப நடிக்கிற படத்திலேயே 'உயிரைக் கொடுத்து ' நடிச்சுகிட்டு இருக்காராமே !''

யாருக்கு பதவி கிடைக்கும் :)
'லக்கும் 'இருந்து  ...
பல்லக்கும்  தூக்கத் தெரிஞ்சா போதும் ..
பதவி கிடைத்து விடும் அரசியலில் !

Tweet