அக்மார்க் இரட்டை அர்த்த ஜோக்தான் இது :)

                 ''விவாக ரத்து பெருக என்ன காரணம் ?''
                 ''சிலர் 'வைப்பு ' தொடர்பிலும் ,இன்னும் சிலர் மனைவியைக் கூட மறந்து 'வை ஃபை'தொடர்பிலும்  இருக்காங்களாமே !''

அது அரியாசனமா ,சொறியாசனமா :)
              ''மந்திரிகளைப் பார்த்து 'ஒரு நாள் அரசனாய் 'இந்த அரியாசனத்தில்  அமர்ந்து பாருங்கள் ....என் கஷ்டம் புரியும்னு அரசர் சொல்றாரே ,ஏன் ?''

              ''மூட்டைத் தொல்லைத் தாங்க முடியலையாம் !''

முட்டாள் யாருன்னு தெரியுதா :)
                 ''என்னங்க ,பேப்பரைப் படிச்சீங்களா ? 15 +7 எவ்வளவு என்று கேட்டதுக்கு ,17ன்னு பதில் சொன்னவனைக் கட்டிக்கவே மாட்டேன் என்று மாலையைக் கழற்றி எறிஞ்சிட்டாளாமே புதுப் பொண்ணு ?''
                 ''சரியாத் தானே சொல்லியிருக்கான் புது மாப்பிள்ளை ?''

ஆளையே  export  செய்யுமோ   :)
          '' ஆப்பிளில்  export qualityன்னு ஸ்டிக்கர் ஓட்டியிருக்கோம் ...அதாவது மேல் நாட்டுத்தரம் ,உங்களுக்கென்ன சந்தேகம் ?''
         ''பிறகேன் ,நேற்று ஆப்பிளை சாப்பிட்ட என் நண்பர் மேலோகம் போய் சேர்ந்தார்?''
          ''ஸ்டிக்கரைக் கிழிக்காம சாப்பிட்டு இருப்பார்  !''

நடிகையை ரசித்தால் மட்டும் போதாதா :)
        '' கும்பாபிசேகம் செய்யணும்னு  போராட்டம் செய்தவர்கள்  கைதாமே ,ஏன் ?''
        ''அவங்க கும்பாபிசேகம் செய்யச் சொல்றது ,நடிகைக்கு கட்டப்பட்டிருக்கும் கோவிலுக்கு  !''

டாக்டர் தெய்வமா ,எமனா :)
டாக்டரை ....
தெய்வம் என்றார்கள் ...
 கோமாவில் இருந்தவன் ,எழுந்து நடந்ததும் !
எமன் என்றார்கள் ...
தலைவலி என்று வந்தவன் ,இறந்ததும் !

Tweet