குறட்டை விடா மனைவி அமைவதும் வரம்தான் :)

 செருப்புக்குப்  பதிலா :)
               ''பாடகர்  ரோஷப் பட்டு கச்சேரியை  முடித்துக் கொண்டாரே, அப்படியென்ன  அவர் மேல்  வந்து விழுந்தது ?''
               ''காது கேட்கும் கருவிகள்தான்!''

வெள்ளையா இருந்தால் மோர்  :)
             ''என்ன கேட்கிறீங்க ,மஞ்சள் மோரை ஊற்றவா ?'' 
              ''நீ வச்ச மோர்க் குழம்பு அப்படித்தானே இருக்கு !''

 குறட்டை விடா மனைவி  கிடைப்பதும் வரம்தான் :)        
             ''என்னங்க ,நான் தூங்கினா உங்களுக்கு சந்தோசமா,ஏன் ?''
             ''அப்பதானே ,நீ  சைலென்ட் ஃ மோடில் இருக்கே !''

 மேனி எழிலின் ரகசியம் இதுதானோ :)
         ''உப்பில்லா சோப்பு வேணுமா ,அப்படின்னா என்னம்மா ?''
        ''துணிக்கு போடுறது  உப்பு சோப்புன்னா, உடம்புக்குப் போடுறது உப்பில்லா சோப்தானே ?''

நடுவர் இப்படின்னா ,பேச யார் வருவாங்க :)
           ''பட்டிமன்ற நடுவர் ரொம்ப முன் கோபக்காரர்  போலிருக்கா ,ஏன் ?''
           ''மணி  அடிச்சும் பேசிக்கிட்டு இருந்த பேச்சாளர் மேல்,மணியையே தூக்கி எறிஞ்சுட்டாரே !''

கரெண்ட் கட் நேரத்து ஞானோதயம் :)
UPS சொல்லாமல் சொல்லும் வாழ்க்கைத் தத்துவம் ...
இருக்கும்போதே சேர்த்து வைப்பதுதான்
இல்லாத நேரத்தில் கை கொடுக்கும் !

Tweet