மனைவியிடம் வாய்தா கேட்டால் இப்படித்தானாகும் :)

முப்பத்திரெண்டும் விழுந்தவனை என்ன சொல்வது :)       
             ''ஒரு மனிதன் எப்போது முழு மனிதன் ஆகிறான் ?''
             ''முப்பத்திரண்டு பல் முளைத்ததும் !''

தம்பி ஏதோ பிளான் பண்ற மாதிரி இருக்கே :)
           '' ஏண்டா தம்பி ,நான் இராணுவத்தில் சேர்த்தே ஆகணும்னு சொல்றே ?''
           ''தம்பியுடையான் படைக்கு அஞ்சான்னு சொல்றாங்களே ! ''

 மிஞ்சின்னு பேர் வைத்தவன் தீர்ககதரிசி :)
              ''கால் விரல் அணிகலனுக்கு  மிஞ்சின்னு பேர் வைத்தவன் தீர்க்கதரிசியாத்தான் இருக்கணும்னு ஏன் சொல்றீங்க ,மாமா ?''
              ''என் மகளுக்கு  போட்ட  நகைங்களில் வேற எதுவும் மிஞ்சியிருக்கிற மாதிரி தெரியலையே ,மாப்பிள்ளை !''

மனைவியிடம் வாய்தா கேட்டால் இப்படித்தானாகும் :)
        ''உன் வீட்டுக்காரர் வக்கீலாச்சே ,அவரை ஏன்  டைவர்ஸ் பண்ணிட்டே?''
        ''எதைக் கேட்டாலும்  அடுத்த மாசம் பார்ப்போம்னு 'வாய்தா 'கேட்கிறாரே !''

தலைவலி தனக்கு வந்தா தான் தெரியும் :)
            ''என் பொண்ணு வீணை  கத்துக்கிறதுலே,என்னைவிடநீங்கதான் சந்தோசமா இருக்கீங்க ,ஏன் சார் ?''
            ''காலி பண்ண மாட்டேன்னு  சொன்ன  பக்கத்து போர்சன்காரங்க  சொல்லாம கொள்ளாம ஓடிட்டாங்களே !''
             ''இவ்வளவு நல்லது பண்ண எங்களுக்கு நீங்க என்ன செய்யப் போறீங்க ?''
            ''இனிமேலும் வீணையை விடலேன்னா நீங்களும் வீட்டைக் காலி பண்ண வேண்டியிருக்கும் !''

பெண் மனது மட்டும் ஆழமில்லே :)
கடலில் மூழ்கியவர்களைக் கூட காப்பாற்றி விடலாம் ...
டாஸ்மாக் கிளாஸில்  மூழ்கியவர்களை
ஒன்றும் செய்ய முடியாது !

Tweet