கணவன் வேகத்திற்கு இரண்டு தேவைதானே :)

 அடிக்கிற வெயிலுக்கு தேவைதானே இது :)      
           ''அந்த லேடீஸ் ஒன்லி கடையிலே கூட்டம் அலை மோதுதே ,ஏன் ?''
          '' புதுசா, ஜன்னல் வைச்ச நைட்டி வந்திருக்காம்!''   

பீரோ சாவியை வாங்கிக்குவாளோ:)
               ''உன் மனைவி ஜென்மத்துக்கும் சமையல் செய்ய மாட்டாள் போலிருக்கா ,ஏன் ?''
               ''காக்கா வலிப்பிலே துடிக்கிறப்போ கூட ,இரும்பு கரண்டியை கையிலே வாங்க மாட்டேங்கிறாளே !''

காதலனை இப்படியா நோகடிப்பது :)

               ''இவரோட காதலி , இதைப் படித்தால் என்ன வேண்டிக்குவா  ?''
               ''நல்ல வேளை, வண்டி நம்பர்லே AK கிடைச்சமாதிரி ,இவன் கைக்கு AK47 துப்பாக்கி கிடைக்காம  இருக்கணும்னுதான் !''

கணவன் வேகத்திற்கு இரண்டு தேவைதானே :)
                "எதுக்கு இரண்டு தோசைக்கல் வாங்குறே ?"
                "உங்களுக்கு சுடச் சுட தோசை வேணும் ,தோசை வேகிற வேகத்தைவிட, நீங்க அதை உள்ளே தள்ளுற வேகம் அதிகமா இருக்கே  !"'

இப்படித் தானே படங்கள் வந்துக்கிட்டிருக்கு :)
                 ''அந்த இயக்குனடரோட படங்களில் ஹீரோ ஹீரோயின்கள் எப்படி  ?''
                  ''ஹீரோவுக்கு 'துணி 'ச்சல் அதிகமாவும் ,ஹீரோயினுக்கு 'துணி 'கம்மியாவும் இருக்கும் !''

பழி ஓரிடம் ,பாவம் ஓரிடம் :)
அடாவடியாய் பேசுவதென்னவோ நீ ...
பாதிக்கப் படுவது மட்டும் நாங்களா ?
முப்பத்து இரண்டு பற்கள் கேட்டன ஒற்றை நாக்கிடம் !

Tweet