கட்டிக் கிட்டாலும் ,வச்சுக் கிட்டாலும் தப்புதானே :)

இந்த ' கிளி 'னிக்கில் கூட்டத்துக்கு பஞ்சமில்லே :)
        '' அந்த டாக்டர்  'கிளி 'னிக்னு  போர்டுலே  எழுதியிருக்காரே ,ஏன் ?''
        '' கிளி மாதிரி  அழகான நர்சுங்க நாலு பேரை ,புதுசா வேலைக்கு சேர்ந்து இருக்காராம் !''

இப்படியும் சில பெண்கள் :)
         ''நம்ம வீட்டில் நடக்கிறதெல்லாம் வெளியே போகக் கூடாதுன்னு வாய் பேச முடியாத வேலைக்காரியை வச்சுருந்தே ,இப்ப நீயே அவளை ஏன்  வேண்டாங்கிறே ?''
        ''நாலு வீட்டிலே நடக்கிறது  என்னான்னு தெரியாமே , எனக்கு மண்டை வெடிச்சிடும் போலிருக்கே !''

 முற்றும் துறந்த நிலை சாத்தியமா :)
           ''அந்த நடிகைக்கு தீட்சை கொடுத்த குருவுக்கு கண்டனமா ,ஏன் ?''
           '' அவரை முற்றும் துறந்த நிலைக்கு உயர்த்துவது என் கடமைன்னு  சொன்னாராமே  !''

கசப்பை மறந்தால் டெங்கு காய்ச்சல் வரும் :)
           ''என்னங்க ,நம்ம வீட்டிலே நீங்க மட்டும்தான் பாவக்காய் கசக்கும்னு சாப்பிடுறதேயில்லே ,ஆனா டெங்கு காய்ச்சல் உங்களுக்கு மட்டும்  வரமாட்டேங்குதே .எப்படி ?'' 
           ''இத்தனைக் காலமும் நான் கசப்போடுதானே வாழ்ந்துக்கிட்டு இருக்கேன் ?''

கோளாறு எங்கேன்னு கண்டுபிடிங்க :)
         ''ரோஜாச் செடி இருந்த  பூந்தொட்டியை ஏன்  உடைக்கிறீங்க ?''
          ''ஒரு லிட்டர்  தண்ணி  ஊத்தினா  நாலு லிட்டர் தண்ணி வழிஞ்சு  தரையெல்லாம் ஈரமாகுதே !'

கட்டிக் கிட்டாலும் ,வச்சுக் கிட்டாலும் தப்புதானே :)
         ஒருவனுக்கு ஒருத்தி என்பதே நமது பண்பாடு என 
         மேடை தோறும்  முழங்கும்  தலைவருக்கு  இருப்பதோ ... 
         ஊருக்கு  ஒருத்தி !

Tweet