இயக்குனரிடம் ஏமாறாத நடிகை :)

*கேட்டது தப்பா போச்சே :)
           ''பொண்ணு பார்க்க வரும்போது ராசிக்கல் மோதிரம் ஒண்ணு போட்டுக்கிட்டு வந்தீங்களே,அதென்ன ஆச்சு ?''
             ''வித்துட்டேன், ராசியில்லாம போயிடுச்சே அது !''

தோழியிடம் பீற்றிக் கொண்டால் இப்படித்தான் :)
           ' 'உன் வயசுதான் எனக்கும் ,என் சருமம் எவ்வளவு பளபளப்பா இருக்கு ,பார்த்தீயா ?''
           ''ரொம்பவும் பீற்றிக்காதே ....சர்க்கரை நோய் வந்தால்கூட  இப்படி பளபளக்கும்,போய் 'செக் அப் 'பண்ணிக்கோ !''

ஒரு பானைச் சோற்றுக்கு ஒரு சோறு பதம் :)
        ''அந்த ஆள் ஒரு வரி பாடினதைக் கேட்டே ,அவனொரு குடிகாரன்னு எப்படி சரியா கண்டுபிடீச்சீங்க ?'' 
        ''துன்பம் வரும் வேளையிலே குடிங்கன்னு பாடினாரே !''

இயக்குனரிடம் ஏமாறாத நடிகை :)          
        ''அந்தப் படத்திலே உங்களுக்கு வெயிட்டான ரோல் தானே ,ஏன் வேண்டாம்னு சொல்லிட்டீங்க ?''
        ''ஒரே ஒரு சீன்லே வர்ற கர்ப்பிணி வேஷம் யாருக்கு வேணும் ?''

கணவனை கைக்குள் போட்டுக்க விரும்பாத பெண்ணும்  உண்டா ?
          ''அந்த மந்திரவாதி பொண்ணுங்களை குறி வைச்சு ஏமாத்தி இருக்கானே ,எப்படி ?''
          ''தலையணை மந்திரம் இலவசமாகத் கற்றுத்தரப்படும்னு  சொல்லித்தான் !''

Thir'teen'ஐ  லக்கி நம்பர் ஆக்குவது  'teen' ager கையில்தான் :)
டீனேஜ் என்பது ... 
கனாக்காணும் காலம் மட்டுமல்ல ,
வினாக்காணும் காலமும் கூட !
தேர்வு வினாவுக்கு விடை சொல்லவேண்டிய பருவத்தில் ...
வேறு உணர்ச்சிக்கு விடை தேடிக் கொண்டிருந்தால்...
வாழ்க்கை முழுதும் கேள்விக் குறிதான் எஞ்சி நிற்கும் !

டிஸ்கி :என் பதிவு ,புதியதும் பழையதும் கலந்த கலவைதான் *குறி இட்டது மட்டுமே புதிய பதிவு :)

இங்கே க்ளிக் செய்தும் தமிழ்மணத்தில் வாக்களிக்கலாம் :)

Tweet