காதல் சின்னம் மட்டுமா இது :)

யார் ஜெயித்தாலும் ,தோற்றாலும் :)       
           ''என்ன சொல்றீங்க ,இந்த  தேர்தலால்  லாபம் அடையப் போறது தேர்தல் கமிஷன்தானா ?''
           ''ஆமா , போட்டியிடும் பலரும் டெபாசிட் தொகையை  இழக்கப் போகிறார்களே  !''

விடாக் கண்டனும் கொடாக் கண்டனும் :)
        ''உன் கல்யாணம் என்னைக்குன்னு சொல்லு ?''
        ''ஃகிப்ட்  வாங்க  மறந்துறக் கூடாதுன்னு தானே கேட்கிறே ?''
        ''அட நீ ஒண்ணு, ,என்னோட வாழ்த்தை   smsல் அனுப்பலாம்னு  கேட்டா ஏதேதோ கற்பனை பண்றீயே !''

காதல் சின்னம்  மட்டுமா இது :)
             "மனைவிக்காக தாஜ் மஹாலை கட்டிய ஷாஜஹானை ,சிறை வைத்தது அவர் மகன்தானாமே ,இதிலிருந்து என்ன தெரியுது ?"
            "நல்ல கணவனா இருந்தா மட்டும் போதாது ,நல்ல அப்பனாவும்  இருக்கணும்னு  தெரியுது !"  

பொண்ணு பிடிக்கலைன்னு இப்படியும்  சொல்லலாமா :)
              ''இனிமேல் பொண்ணுப் பார்க்க வர்றவங்களுக்கு மட்டமான ஸ்வீட் ,காரம் கொடுத்தா போதுமா  ,ஏன் ?''
              ''ஏற்கனவே பார்த்துட்டு போனவங்க 'ஸ்வீட் ,காரம் மட்டும்தான் பிடிச்சது 'ன்னு சொல்றாங்களே !''

மழை அளவு குறைவு தரும் பாடம் :)
ஊரிலே ஒரு நல்லவர் இருந்தாலும் மழை பெய்யுமாம் ...
'நான் இருப்பதால்தான் மழை பெய்கிறது 'என 
எல்லோரும் நினைத்துக் 'கொல்' கிறார்கள் !

Tweet