சுனாமிஸ்ரீ, மனைவிக்கு பொருத்தமான பெயர்தானே :)

காலணிக்கும் ,காலனிக்கும் வித்தியாசம் இருக்கில்லே :)
         ''எங்க ரெயின்போ 'காலணி 'யில் மெகா மால் வந்தாச்சுன்னு சொன்னா ,ஏன் நம்ப மாட்டேங்கிறே ?''
         ''மெகா மாலில் வேண்டுமானால் காலணி கிடைக்கும் ,காலணியில் எப்படி மெகா மால் வரும் ?''

நகைக்கடைகளும் அடகுக் கடைகளும் அவங்கவசம்தானே :)                
           ''அதோ ,அந்த தம்பதிகள்  'மலையாளிகள்' கடைக்கே  போறாங்களே ,ஏன் ?'' 
           ''புது  நகையை வாங்க  நகைக்கடைக்கும் , பழைய நகையை அடகு வைக்க  பைனான்ஸ் கடைக்கும்தான் !''

ஆறிலும் சாவில்லை ,நூறிலும் சாவில்லை :)
              ''இந்த மருத்துவ மனையில் ரூம் நம்பர் ஆறும் ,நூறும் இல்லையே ,ஏன் ?''
              ''ஆறிலும் சாவு ,நூறிலும் சாவுன்னு யாரும் சொல்லக் கூடாதுன்னு தான் !''

இதுக்கு டாக்டர்தானே காசு தரணும்:)
                ''இந்த மாத்திரை சாப்பிட்டு ரெண்டு நாள்லே காய்ச்சல் போயிடும்னா ,எதுக்கு டாக்டர் மறுபடியும் வரச் சொல்றீங்க ?''
                ''அடுத்தவங்களுக்கு அதை கொடுக்கலாமா வேண்டாமான்னு நான் தெரிஞ்சுக்கத்தான் !''

சுனாமிஸ்ரீ, மனைவிக்கு பொருத்தமான பெயர்தானே :)
              ''சுனாமி வந்து பல வருசமாச்சே ,அந்தப்  பாதிப்பில் இருந்து  இன்னுமா  மீள முடியலை .ஏன் ?''
              ''சுனாமி வந்த அன்னைக்கிதான் எனக்கு கல்யாணம் ஆச்சுன்னு சொல்லவந்தேன்  !''

தெய்வத்தைத் தொலைத்த கோவில்கள் :)
அரசு அலுவலகங்களில் ...
செய்யும் தொழிலே தெய்வம்னு எழுதலாம் ...
அங்குதான்  இருக்கின்றன  ...
அட்வான்ஸ் காணிக்கையில் 
அருள் பாலிக்கும் தெய்வங்களும் ...
நிறையவே நிறையாத உண்டியல்களும் !

' த ம ' ன்னா வாக்களிப்பது  ஜனநாயக உரிமை ,அந்த உரிமையை மொபைல் போன் மூலம்  நிறைவேற்ற  இதோ லிங்க் >>http://tamilmanam.net/rpostrating.php?s=P&i=1459207
          (உண்மையில் இந்த லிங்க் மூலமாக செல்லில் இருந்து  வாக்களிக்க முடிகிறதா என்பதை நீங்கள்தான் சொல்லணும் :)

Tweet