நடிகையை கட்டிக்கப் போறவரின் எதிர்ப்பார்ப்பு :)

                     ''கல்யாணத்துக்கு பிறகு , நடிப்பது என்பது கணவரின் கையில்தான் இருக்குன்னு  உங்களைக் கட்டிக்கப் போற நடிகை சொல்லியிருக்காங்க ,நீங்க என்ன சொல்றீங்க !''

                  ''நடிச்சா கிடைக்கும் வருமானம்  யார் கையிலே இருக்கும் என்பதை பொறுத்தது ,அது !''

                 

              

வரப்பு தகாறுக்கு வயலை விற்றது போல :)

               ''ஒத்தி முடிந்தும் உங்க வீட்டைக் காலி செய்ய மாட்டேங்கிறவர் மேலே  போட்ட கேஸ் என்னாச்சு ?''

                  ''அதையேன்  கேட்கிறீங்க ,நீதிபதியும் தீர்ப்பை ஒத்தி வச்சுகிட்டே இருக்கார் !''

அழகு நிலையம் செய்த 'அழகு 'காரியம் !

               ''ஏண்டி ,அந்த பியூட்டி பார்லர் விளம்பரத்திலே ' நாலே  நாளில் முகத்தில் உள்ள   கரும்புள்ளிகள்  மாயமா மறைஞ்சுடும்,இல்லேன்னா பணம் வாபஸ் 'னு போட்டு இருந்ததை நம்பி பத்தாயிரம் ரூபாய் கட்டினியே ,என்னாச்சு ?''

                            
              ''மாயமாப் போச்சு ,அந்த பியூட்டி பார்லர் !''

ஆயிரம் டன் தங்கம் ,ஞாபகம் வருதா ?

இந்தியா இன்ஸ்டன்ட் வல்லரசு ஆகும் கனா 

தகர்ந்துவிட்டது ...

சாமியார் சோபன் சர்க்காரின் அருள்வாக்கை நம்பி ...

ஆயிரம் டன் தங்கத்திற்கு ஆசைப்பட்டு ...

அவர் சொன்ன இடத்தில் பன்னிரண்டு நாட்கள் தோண்டிப் பார்த்தும் ...

 ஒரு கிராம் தங்கம் கூடக் கிடைக்கவில்லை ...

ஒரு சாமியார் கண்ட கனவை நம்பி ...

இவ்வளவு செலவு செய்வதாவென்று சகல தரப்பும் கண்டனம் தெரிவித்தபோது ...

இல்லை இல்லை ,தொல்பொருள் ஆய்வுத்துறை ஏதோ ஒரு உலோகம் அங்கே  அடியில் இருப்பதாக கண்டுபிடித்து உள்ளதாக ...

மத்திய அரசு சப்பைக்கட்டு கட்டியது ...

அந்த உலோகமாவது சிக்கியதாவென்றால்அதுவும் இல்லை !

தோண்டும் பணி நடந்து கொண்டிருந்த போது சும்மா இருந்த அந்த சாமியார் இப்போது ...

என் முன்னிலையில் தோண்டினால் மட்டுமே தங்கம் கிடைக்குமென்று மீண்டும் அருள்வாக்கு

கூறியுள்ளார் ...

மேலும் அகழ்வுப் பணி நடப்பதை டீவியில் நேரடியாக ஒளிபரப்பு செய்ய வேண்டுமென்றும் கூறியுள்ளார் ...

இந்த 'சர்க்காரின் 'புருடாவுக்கு மத்திய சர்க்கார் முடிவு கட்ட வேண்டுமென்றால் ...

ஆயிரம் டன் தங்கம் கிடைத்துவிட்டால் 

சாமியாரை நாட்டின் முதல் குடிமகன் ஆக்கிவிடுவது ...

கிடைக்காவிட்டால் தோண்டப்படும் குழியையே 

சாமியாரின் ஜீவசமாதி ஆக்கிவிடுவது !

இதற்கு சாமியார் கட்டுப்படுவாரானால் அடுத்தகட்ட நடவடிக்கையை ஆரம்பித்து விடலாம் !

    /////////////////////////////////////////////////////////////////////////////////////////////

          தங்கப்புதையல் ...முந்தையப் பதிவு>>>

http://jokkaali.blogspot.com/2013/10/blog-post_18.html

பசி வந்தா இப்பிடியுமா ?

                          ''சீக்கிரம்  மாப்பிள்ளையை  தாலி கட்டச் சொல்றீங்களே ,ஏன்?

                      ''அட்சதை  தூவக் கொடுத்த அரிசியை இப்பவே பாதிப்பேர் மென்னு தின்னுட்டாங்களே !''

Tweet