வீட்டுக்கொரு 'ஆமாம் சாமி 'இருக்கிற மாதிரி :)

  பொய்யைச் சொன்னாலும் பொருந்தச் சொல்லணுமோ :)             

                 ''மேனேஜர் சார், லீவுக்கு காரணம் சரியில்லைன்னு ,நம்ம ராஜாவுக்கு  லீவைத் தர மாட்டேன்னு  சொல்றீங்களே  ,ஏன்  ?''

                 ''ஊருக்கு போய் இருக்கிற பெண்டாட்டியைக் கூட்டி வரப்போறேன்னு 

கேட்கிறாரே !''

மக்கு பயபுள்ளே கூட மார்க் வாங்கும் தந்திரம் :)

           ''பரவாயில்லையே , அந்த ஸ்கூல்லே இதுவரை யாருமே ஜீரோ மார்க் வாங்கியதில்லையாமே !''
         ''அட நீங்க வேற ,வினாத் தாளில் உள்ள கேள்விகளை அப்படியே அழகா எழுதியிருந்தாலே...குட் ஹாண்ட்ரைட்டிங்னு  போனஸ் மார்க்கை போட்டுடுவாங்களாம் !''

ஆத்தீ...ஆத்திச் சூடியை இப்படியா புரிஞ்சுக்கிறது ?

            ''என்னடா சொல்றே .ஔவையார்  ரெண்டு பேருக்கு ரெண்டு விதமா அட்வைஸ்  சொல்லி இருக்காங்களா ?''

            ''ஏற்பது இகழ்ச்சின்னு பிச்சைக்காரனுக்கும் ,ஐயமிட்டு உண்னு  பணக்காரனுக்கும் சொல்லி இருக்காரே  !''

வீட்டுக்கொரு 'ஆமாம் சாமி 'இருக்கிற மாதிரி ,நாட்டுக்கொரு ?

                    ''ஆம் ஆத்மின்னா  அர்விந்த் கேஜ்ரிவால் ஞாபகம் வர்றார் ,ஆமாம் ஆத்மின்னா ?''
                ''நம்ம பிரதமர்தான் !''

(இந்த பதிவு வெளியான சில ஆண்டுக்கு முன்  , அப்போது பிரதமராய்  இருந்தவர் உங்கள் நினைவுக்கு வருகிறாரா ?)

                                                  

எள்ளுன்னா எண்ணையாய் நிற்கும் அடியாட்கள் :)

1.       ''தலைவரோட அடியாட்கள் ரொம்ப வேகமா இருக்காங்களா, எப்படி ?''
2.           ''தலைவர் 'கொல் 'னு  சிரிச்சாக் கூட அரிவாளை தூக்கிடுறாங்களே !''    
3. 
                   
4. 
   

   100க்கு பக்கம்தான் 108ம் :)

   100 கிலோமீட்டர் வேகத்தில்

    வாகனத்தில் சென்றவனின் கதி ...

   108 வாகனத்தில் சோகத்தில் !
5. 

Tweet