மாத்திரை மூலமா மனைவியிடம் கேட்பது :)

 தேர்தல் முடிவால்  வந்த நிம்மதி  :)    
              ''மூணு நாளா  தூக்கம் வராம தவிச்சுகிட்டிருந்த உனக்கு ,நேற்றுதான் நல்லாத் தூக்கம் வந்ததா ,எப்படி ?''
             ''டாஸ்மாக்கை  உடனே இழுத்து மூட மாட்டாங்க என்ற  நம்பிக்கை வந்திருச்சே !''
சேர்த்து வைச்சு என்ன புண்ணியம் :)           
           ''செத்தும் கொடுத்த சீதக்காதி மாதிரிதான் உங்க அப்பாவுமா ,எப்படி ?''
           ''அவரோட உயில் அமுலுக்கு வர ,அவரே விஷம் குடிச்சு உதவி இருக்காரே !''
மாத்திரை மூலமா மனைவியிடம் கேட்பது  :)
         '' மாத்திரையைச் சாப்பிடலாமான்னு  என்கிட்டே ஏன் கேட்கிறீங்க ?''
        ''அரை மணி நேரத்திலே சாப்பாடு  ரெடி ஆயிடுமான்னு கேட்டா கோவிச்சுக்கிறீயே!''

மனுஷன் இப்படி செய்யலாமா :)
     ''பிஸ்கட் சாப்பிட்டுக் கிட்டிருந்த உங்களை  உங்க நாயே ஏன் கடிச்சது ?''
    ''அதோட பிஸ்கட்டை நான் டேஸ்ட் பண்ணிப் பார்த்தது ...அதுக்கு பிடிக்கலைப் போலிருக்கே !''
புத்தராலும் இவர்கள் திருந்தவில்லை !
ஆசையே அழிவுக்குக் காரணம் என்ற 
புத்தரின் கொள்கையை ஏற்றுக் கொண்ட 
சீனர்களும் சிங்களர்களும் 
மண் ஆசையை இன்னும் விட்ட பாடில்லை !

Tweet