மனைவியின் தூக்கத்தை இப்படியா கெடுப்பது :)

கலப்படத்தைக் கண்டுபிடிக்க உதவுவது 'பால்மானி' :)        
                  ''பால் வியாபாரியான உங்களுக்கு ,அரசு என்ன உதவி செய்யணும் ?''
               ''பால் மானியம் தர வேண்டாம் ,நாங்க விற்கிறப் பாலை  சுகாதார அலுவலர் பால்மானியால் செக் செய்யாமல் இருந்தாலே  போதும் !''
வயதானால் இப்படியெல்லாம் ஆகுமோ :)
           ''என்னடா சொல்றே ,உங்க அப்பாவுக்கு கண்ணும் மூக்கும் அவுட்டா ?''
           ''ஆமா ,பற்பசைக்குப் பதிலா கொசு விரட்டிக் கிரீமினால் பல் தேய்ச்சிட்டு ,நுரையே வரலேங்கிறாரே !''
மனைவியின்  தூக்கத்தை இப்படியா  கெடுப்பது  :)
         ''என்னங்க ,இந்த ராத்திரி நேரத்திலே திடீர்னு பீரோ  கண்ணாடி நொறுங்கி விழுதே...அய்யய்யோ...அய்யய்யோ ....!''
        ''சும்மா கத்தாதே ,நாய் துரத்திகிட்டு வர்ற மாதிரி கனவு வந்தது ,நான்தான் கையிலே கிடைச்சதை தூக்கி எறிஞ்சேன் !''

உள்ளே போறது ஒரு மடங்கு  ,வெளியே வர்றது பத்து மடங்கா  ?
             ''தாகம் அடங்கலைன்னு சொன்னதுக்கா ,அவரை ICU ல் அட்மிட் பண்ணிட்டாங்க ?''
           ''அட நீங்க வேற !நூறு மில்லி தண்ணி குடிச்சா ,குடிச்ச  நொடியிலேயே ஒரு லிட்டர்  வெளியே போயிடுதாமே !''
இல்லாததை விளக்க ஆயிரம் பாடல் ?
நம்ம ஊர் கட்சிகளின் 
கொள்கை விளக்கப் பாடல்களைக் கேட்கையில் 
சந்தேகம் பிறக்கிறது ...
இவர்கள் கொள்கை என்ன நானூறு பக்கங்களில் ,
விளக்க முடியாத அளவிற்கு ....
கொடுங்தமிழிலா இருக்கிறது ?

Thulasidharan V Thillaiakathu>>>
நல்ல காலம் மனைவியை அடிக்காமல் இருந்தாரே !!
Bagawanjee KA
அந்த தைரியம் தூக்கத்தில் கூட அவருக்கு வராதே !
Ramani S
நல்லவேளை,திருடன் பக்கத்தில் படுத்திருப்பதைப்போல கனவு காணாமல் இருந்தார்
Bagawanjee KA
இதுவும் நடக்கக் கூடும்,எதுக்கும் அவர் மனைவி தள்ளிப் படுப்பதே நல்லது !
திண்டுக்கல் தனபாலன்
கனவிற்கே இப்படியா...?
Bagawanjee KA
நிஜத்தில் நாய் துரத்தினால் பீரோவில் நுழைந்து பூட்டிக்குவாரோ ?
Chokkan Subramanian
மனைவி துரத்திய மாதிரி கனவு கண்டிருந்தால், பக்கத்தில் படுத்திருக்கும் மனைவியை, இது தான் சாக்கு என்று மொத்து மொத்துன்னு மொத்தியிருப்பார்.
Bagawanjee KA
இவர் மொத்தினால் மனைவி வாங்கிக் கொண்டாயிருப்பார் ?தலையணையால் முகத்தை பொத்தி விடுவாரே !
ஜெ பாண்டியன்
கண்ணாடியில மனைவியத்தான் பார்த்திருப்பார்னு நினைக்கிறேன்.
துரை செல்வராஜூ
அடேயப்பா!?..
Bagawanjee KA
மனைவியை நேரில் பார்க்க தைரியம் இல்லைதான் ..அதற்காக ,கனவிலே வர்ற கண்ணாடியில் பார்த்தார் என்பது 'டூ மச் ' !

Tweet