கற்பழிப்பும் மகிழ்ச்சி தருமா :)

காலத்துக்கு ஏற்றத் தொழில் செய்தாலும் தப்பா :)

              ''அவரை,ஏன் கைது  செய்திருக்காங்க ?''

              ''இங்கே ,ஒரு ஐந்நூறு ரூபாய் நோட்டுக்கு நாலு நூறு ரூபாய் உடனே தரப்படும்னு போர்டு வச்சிருந்தாராம் !''

சொல்வது எளிது ,செய்வது அரிது :)

          ''சிங்கத்தை வலையில் அடைப்போம் ,கொசுவுக்கு பயந்து வலையில் படுப்போம்னு எழுதியவனை ஏன்  தேடிக்கிட்டு  இருக்கீங்க ?''

         ''நான் வேணா கொசுவலை இல்லாம படுக்கிறேன் ,நீ சிங்கத்தைப் பிடித்துக் காண்பின்னு சொல்லத்தான் !''

கொள்ளையர்களுக்கு பொருத்தமானப் பட்டம்:)

             ''கீ  ஹோல்  ஆபரேஷன்  எக்ஸ்பெர்ட் ன்னு  டாக்டர்களை சொல்ற மாதிரி கொள்ளையர்களையும் சொல்லலாமா ,ஏன் ? ''

             ''சாவியே இல்லாமே எந்த கதவையும் திறந்துடுறாங்களே !''

திருப்பதி மட்டுமா திருப்பம் தரும் :)

             ''திருப்பத்தூர்தான்  , உண்மையில் அவருக்கு திருப்பம் தந்த ஊர்ன்னு ஏன் சொல்றீங்க ?''

             ''அந்த ஊர்லேதானே லஞ்சம் வாங்கும்போது கையும் களவுமா மாட்டிக் கிட்டாரு !''

கற்பழிப்பும்  மகிழ்ச்சி தருமா :)

கற்பழிக்கப் படும் போது ...

அண்ணே ,என்னை விட்டுடுங்கன்னு என்று ...ஒரே  ஒரு வார்த்தை பெண் சொன்னால் கற்பழிப்பு நடக்காதுன்னு உளறிக் கொட்டிய சாமியார் இப்போது , கற்பழிப்பு புகாரில் ஜெயிலில் உள்ளார் ...

இப்போது CBIஇயக்குனர் கூறிய கருத்தும் சர்ச்சைக்குள்ளாகி  இருக்கிறது ...

'கிரிக்கெட் சூதாட்டத்திற்கு விதிக்கப் பட்ட தடையை உங்களால் அமல் படுத்த முடியாது என்றால் ,அது கற்பழிப்புகளை தடுக்க முடியா விட்டால் அதை மகிழ்ச்சியுடன் ஏற்றுக் கொள்ள வேண்டியதுதான் என்பது போல உள்ளதாக ' என்று  அவர் சொன்னதால் கடும் விமர்சனத்திற்கு ஆளாகி யுள்ளார் ...

உதாரணம் சொல்ல வேறு எதுவுமா தோன்றவில்லை ?

இப்போது 'யார் மனதும் புண் பட்டு இருந்தால் நான் வருத்தம் தெரிவித்துக் கொள்கிறேன் என்று சொன்னாலும் ...

பொறுப்பான பதவியில் இருப்பவர் இப்படிசொல்வதை ஏற்றுக் கொள்ள முடியாது என்று அவர் பதவியை ராஜினாமா செய்ய வேண்டுமென்று மகளிர் அமைப்புகள் கொடிப் பிடிக்கின்றன ...

பதவிவரும் போது பணிவு மட்டுமல்ல நாவடக்கமும் வர வேண்டும் போலிருக்கிறதே !

Tweet