கணவனை வேலை வாங்கும் வழி :)

 அழகான நர்ஸ் மட்டும் கண்ணுக்குத் தெரியுமா :)           
              ''டாக்டர்,கண் தெரியலைன்னு  வந்தவரை ஏன் விரட்டி அடிக்கச்  சொல்றீங்க ?''
                 ''நீ போற பக்கம் எல்லாம்  அவரோட  கண்ணும்  போறதைப் பார்த்தா ,செக் அப் பண்ணிக்க வந்த மாதிரி தெரியலே ,உன்னை பிக் அப் பண்ணிக்க வந்த மாதிரியிருக்கே !''


காலங்கார்த்தாலே  குரங்கைத்  தேடி அலைய முடியுமா :)   
              ''என்ன இது அதிசயம்.....விடிந்தும் விடியாததுமா பாலும் பழமும் கொடுக்கிறே ?''
               ''டிவியில் ,இன்று என் ராசிக்கு  பாலும் பழமும்கொடுத்தா நல்லதுன்னு சொன்னாங்க ,அதான் !''
                 ''அதை நானும் கேட்டேன் ,குரங்குக்குத் தானே தரச் சொன்னாங்க !''

மையல் ராணி சமையல் ராணியாய் மாறுவாளா :)
            ''உன் புதுப்பெண்டாட்டி சமையல் எப்படின்னு  கேட்டா ,தலைலே ஏண்டா அடிச்சுக்கிறே?''
            ''தோசைக் கல்லுலே தோசைத் தானே வார்க்க முடியும் ,ஆம்லேட் எப்படி போடமுடியும்னு கேட்கிறாளே!''

கணவனை வேலை வாங்கும் வழி :)
               ''இப்போ பேட்டிங் பண்றது யாருன்னு  பையன் கேட்டதுக்கு  'கலுவிதரனா'ன்னு சொன்னேன்...நீ ஏன்,மீனைக் கொண்டுவந்து என் முன்னாடி வைக்கிறே  ?'' 
              ''கழுவிதரணுமான்னு நீங்க கேட்ட மாதிரி என் காதிலே விழுந்ததுங்க !''

குருவிடம் கேட்கக் கூடாத கேள்வி:)
               ''அந்த சீடரை கழுத்தைப் பிடிச்சு வெளியே தள்ளுறாங்களே ,குருகிட்டே என்ன கேட்டார்?''
               ''இந்திரன் கெட்டதும் பெண்ணாலேன்னு சொல்றாங்களே உண்மையான்னு கேட்டாராம்!''

மழலை அறிந்த முதல் ஒலி !
யார் தேற்றியும் அழுகையை நிறுத்தாத மழலை ...
தாயின் தோளில் சாய்ந்ததும் கப்சிப் ஆனது ...
வழக்கமாய் கேட்கும் லப்டப் ஒலி  கேட்டு !

Tweet