மனைவியிடம் பிடி கொடுக்க விரும்பாத கணவன் :)

                 ''என்னங்க ,அந்த தைலத்தை  வழுக்கைத் தலையிலே தேய்த்தால்  முடி வளருதாமே ,ஏன் வாங்க மாட்டேங்கிறீங்க ?''
                ''உன் கைக்கு பயந்துதான் !''

இந்த மாதிரி சொல்லும், நாளும் வருமோ :)
            ''இந்த ரேஷன் கடையிலே உப்பு பாக்கெட் கட்டாயமா வாங்கியே ஆகணும்னு சொல்றாங்களே ,நியாயமா ?''
            ''அட நீங்க வேற ,டாஸ்மாக்  சரக்கை வாங்கியே ஆகணும்னு சொல்லாம விட்டாங்களே சந்தோசப் படுங்க !'' 

அப்பனே ,வயசுப் பொண்ணுக்கு தடை போடலாமா :)
             ''நான் ஆசை ஆசையா வாங்கிவந்த ஊதா கலர் ரிப்பனை சடையிலே போட்டுக்க தடை போடுறீங்களே ,ஏம்ப்பா ?''
              ''கண்ட கண்ட காலிப் பசங்க 'யார் உனக்கு அப்பன் 'ன்னு  மரியாதை இல்லாமே என்னை கிண்டல் பண்ணுவாங்களே !''

இரண்டு தொழிலும் இரண்டு கண்ணு மாதிரி :)
             ''கல்யாண தரகர் வெல்டிங் பட்டறையும் வைச்சுக்கிட்டு இருக்கார் போலிருக்கா ,ஏன் ?''
             ''இரும்பை இணைப்பது வெல்டிங் ,இதயத்தை இணைப்பது வெட்டிங்னு விசிட்டிங் கார்டுலே போட்டுக்கிட்டு இருக்காரே!''

பழமொழி சொன்னவன் தீர்க்கதரிசி :)
ஆரியக் கூத்தாடினாலும் காரியத்தில் கண்ணாய் இரு ...
திராவிடத் தலைவர்களுக்காவே சொல்லப் பட்டதா?
இந்த சந்தேகம் ஏனென்றால்....

மாநிலத்துக்கு நன்மையோ இல்லையோ ...
தங்களுக்கு  பொன் முட்டையிடும் இலாகாவை மட்டும் வளைத்துக் கொண்டு விடுகிறார்களே !

கடந்த மூன்று தினங்களாக 'சிரி'கதை படிச்சு ரசித்தீர்கள் (?),ஒரு  மாறுதலுக்கு ஒரு 'சீரியஸ் 'கதையையும் படிக்கலாமே :)

இதற்கு  மணி அய்யா சொன்ன பதிலை நாளைப் பார்க்கலாமா ?

Tweet