ஒண்ணரை லட்ச மனைவி :)

இது கையில் இருந்தாலே சிக்கல் :)
             ''டைம் பாஸ் இதழைப் படிச்சதுக்கா ,அவரைக் கைது பண்ணிட்டாங்க ?''
               ''அட நீங்க வேற ,அவரிடம் இருந்தது தீவிரவாதிகள்  ரகசியமாய்  நடத்தும்  டைம் பாம் இதழாம்!''

இதுக்கு மிஸ்டு காலே தேவலே :)
              ''பரவாயில்லையே ,எப்பவும் மிஸ்டு கால் கொடுப்பவர் ,இப்போ  பேச விரும்புறாரே  ,பேசுறதுக்கு நீங்க ஏன் தயங்கிறீங்க ?''
               ''கடன் கேட்க மட்டும்தான் பேச விரும்புவார் ,அதான் !'' 

 பிள்ளைக்குத் தெரிஞ்சது அப்பனுக்கு தெரியலையே :)          
            ''என் செல்லக்கண்ணு ,உன்கூட விளையாட தங்கச்சி வேணுமா ,தம்பி வேணுமா ?''
           ''அடப் போங்கப்பா , வயிற்றில் வளர்றதைக் கூட பார்க்கக் கூடாதுன்னு சட்டம்  இருக்கே ,பார்க்கவே  முடியாது ,எப்படி தர முடியும் ? ''

ஒரே  கிட்னியால்  இப்படியும்  நன்மை  இருக்கு :)
             ''என்ன நர்ஸ் சொல்றீங்க ,நான் சொன்ன உண்மைதான்  என்னைக் காப்பாற்றி இருக்கா ?''
             ''ஒரு கிட்னி தான் உங்களுக்கு  இருக்குன்னு முன் கூட்டியே சொன்னதால் ,டாக்டர்  பண்ண இருந்த ஆபரேசனை கேன்சல் பண்ணிட்டாரே !''

தப்பா அர்த்தம் எடுக்காதீங்க:)
     '   'முத்து குளிப்பதை பார்க்க ஆசையா இருக்குடி!''
      ' உனக்கு ஏண்டி இந்த விபரீத ஆசை?''
       ''அட நீ வேற!கடல்லே முத்து எடுப்பதை பார்க்கணும்னு சொல்ல வந்தேன் !

தலைஇல்லா முண்டம் ,இதுதானா:)
    '' உங்க மாப்பிள்ளையை இந்த தலை  தீபாவளிக்கு ஏன் அழைக்கலே ?
     ''என் பொண்ணை கொடுமை பண்ற அந்த 'முண்டத்திற்கு 'தலை தீபாவளி ஒரு கேடா ?

ஒண்ணரை லட்ச மனைவி :)
எல்லா ஊர்களிலும் விளைநிலங்களை கூறு போட்டு மனைகளாக்கி  விற்கிறார்கள் ...
ஆனால் ,கற்புக்கரசி கண்ணகி வாழ்ந்த மதுரையில்  சில வருடகளுக்கு முன் நடந்த கூத்து ....
கொத்தனார் ஒருவர்,மனைவியையே விற்று இருக்கிறார் ...
பெண் பாவம் பொல்லாததாச்சே ...அந்த பாவத்திற்கு அவரே பலியாகி விட்டார் ...
அவருடன் சேர்ந்து இரண்டு பிள்ளைகள் பெற்ற புண்ணியவதிக்கு...
 எதிர் வீட்டு கொள்ளைக்காரனுடன் தொடர்பாம் ...
தாலிக் கட்டியவன் நான் இருக்க ,உங்கள் இருவருக்குள் என்ன ஜோலி என்று ...
நீதியை நிலைநாட்ட நவீன பாண்டிய நெடுஞ்செழியனாய்  பொங்கி எழுந்துள்ளார் கொத்தனார் ...
எல்லார் வீட்டையும் கொள்ளை அடிக்கும் கொள்ளைக்காரன் ...
தன் மனதை கொள்ளை அடித்தவளுக்காக பேரம் பேசியுள்ளான் ...
ஒண்ண்ரை லட்சம்  விலை நிர்ணயம் செய்யப்பட்டு மனைவி கை மாறி விட்டாள்  ...
பின் தொடர்ச்சி அனுபவ பாத்தியதை ஏதுமில்லை என்று அக்ரிமெண்ட் போட்டுக் கொண்டார்களா என்று தெரியவில்லை ...
ஒண்ணரை லட்சம் ஒண்ணரை ஆண்டுகளுக்குள் காலியாகிவிட்டது போலிருக்கு ...
மனைவியை மீண்டும் சொந்தம் கொண்டாட கொத்தனார் வந்த செய்தி ...
வெளியூரில் இருந்த கொள்ளையனுக்குப் போக ...
அடியாட்களின் புண்ணியத்தால் கழுத்தறுபட்டு மேலோகம் சென்று விட்டார் கொத்தனார் ...
கொள்ளையனை மாமியார் வீட்டில் அடைக்க வலை வீசி தேடுகிறார்கள் போலீஸார் ...
மாமியார் வீட்டை மாற்றிக் கொண்ட ஒரே தப்புக்கு...
குழந்தைகளுடன் தெருவில் நிற்கிறாள் தாய் !

Tweet