பேய், துணிகளை வெள்ளாவி வைச்சு துவைக்குமா :)

      ''பேயைப் பார்த்து ஒரு ரகசியத்தைத்  தெரிஞ்சிக்கணுமா,அதென்ன ரகசியம் ?''
      ''உன்  உடை எப்போதும் வெண்மையாக பளிச்சிடும் ரகசியம் என்னான்னுதான்  !''

 உயிரோடு இருக்கும் வரை செலவுதானே :)            
        ''அரிசி மூட்டை இப்போதான் வாங்கின மாதிரியிருக்கு ,அதுக்குள்ளே தீர்ந்து போயிருச்சா ?''
         ''என்னங்க செய்றது ,வாய்க்கரிசி  விழுகிற வரைக்கும் வயிற்றிலே  விழுந்து கிட்டேதானே  இருக்கே !''
                                                 
இதென்ன  36'' 24'' 38'' ஆ ,இன்ச் டேப்பில் அளப்பதற்கு :)
            ''டியூப் லைட் எரியுதான்னு பார்த்து வாங்கிற என் பையனைக் காட்டிலும் உங்க பையன் தெளிவா ,எப்படி ?''
            ''டியூப் லைட்டைக் கூட இன்ச் டேப்பிலே அளந்து வாங்குவானே!''

பாரத ரத்னா வாங்கினால் நடிகை மார்க்கெட் போயிடுமா :)
           '' முதல் படத்திலேயே என் நடிப்புக்கு பாரத ரத்னா விருது கொடுக்கப் போறாங்களாம் ,என்ன செய்யலாம் அம்மா  ?''
            ''சம்பாதிக்கவேண்டிய வயசுலே பாரத ரத்னா விருதா...வேண்டாம்னு சொல்லிடும்மா !''

பார் இல்லா பாருலகம் உண்டா:)
    ''நீரின்றி அமையாது உலகுன்னு பாடிய வள்ளுவர் இன்னைக்கு வந்தா என்ன பாடுவார்?''
  '  'பார் 'இன்றி அமையாது  உலகுன்னுதான்  !''

கால் வைத்தாலே கலவரம் !
      நீதி கேட்டு நீண்ட பயணம் ...
      பயண  வழியில் விழுந்தது நூறு பிணம் ...
      தலைவர்  முடித்துக் கொண்டார் ...
      பயண  இலக்கை அடைந்துவிட்டோம் என்று !

Tweet