முதலீடே இன்றி என்றும் வருமானம் :)

                   ''மனுஷனுக்கு பிரச்சினை  இருக்கும் வரை கடவுளுக்கு அர்ச்சனை இருக்கும் ...இதைப் பற்றி நீங்க என்ன நினைக்கறீங்க ?''
                    ''கடவுளுக்கு அர்ச்சனை இருக்கும் வரை  அர்ச்சகருக்கு  தட்சணை இருக்கும் !''

 சொல்வது எளிது ,செய்ய முடியுமா ?

              ''சிங்கத்தை வலையில் அடைப்போம் ,கொசுவுக்கு பயந்து வலையில் படுப்போம்ன்னு எழுதியவனை தேடிக்கிட்டு  இருக்கீ யா ,ஏன் ?

            ''நான் வேணா கொசுவலை இல்லாம படுக்கிறேன் ,நீ சிங்கத்தைப் பிடித்துக் காட்டுன்னு சொல்லத்தான் !''

        

நோயாளிக்கு பேச்சு வராது ,டாக்டருக்குமா ?

              ''நாலு மாசத்திலே எட்டு லட்ச ரூபாய் செலவு செய்ஞ்சும் உங்கப்பாவுக்கு பேச்சு வரலேன்னா ,டிஸ்சார்ஜ் செய்யச் சொல்ல வேண்டியது தானே ?''
                   ''மூச்சு இருக்கிறவரைக்கும் டிஸ்சார்ஜ் என்கிற பேச்சுக்கே இடமில்லைன்னு டாக்டர் சொல்றாரே !''

பயத்துக்கும் ஒரு அளவில்லையா:)

           
             ''ஊரெல்லாம் டெங்கு காய்ச்சல் ...கடையிலே விற்கிற பாக்கெட்டை வாங்கக்கூட பயமா இருக்கா ,என்ன பாக்கெட் ?''
             

               ''புளிக் ' காய்ச்சல்' பாக்கெட்தான் !''

தேவதாஸ்களின் புலம்பல் :)

பெண்ணின் மனதை அறியவே முடியாதாம் ...

ஆணின் மனதில் உள்ளது மட்டும் ...

நெற்றியில் 'டைட்டில் 'போல தெரிகிறதா  என்ன ?

Tweet