நேர்மையை படங்களில் வலியுறுத்தியவரா இப்படி :)

மரம் சும்மா இருந்தாலும் காற்று சும்மா இருக்க விடாது :)
              ''கொசுக்கடி வாங்கியே அவர் கவிஞர் ஆகிவிட்டாரா ,எப்படி ?''
              ''நான் சும்மா இருந்தாலும் கொசு சும்மா இருக்க விடாதுன்னு சொல்றாரே !''

நேர்மையை படங்களில் வலியுறுத்தியவரா இப்படி :)
            ''சிலைக் கடத்தல் வழக்கில் அந்த இயக்குனர் மாட்டிக்கிட்டார் என்பதை உங்களால் நம்ப முடியலையா ,ஏன் ?''

            ''அவர் இயக்கிய படங்களில் எனக்கு மிகவும் பிடித்தது 'விரலுக்கேற்ற வீக்கம் ',ஆனால் அது அவருக்கே பொருந்தலையே !'' 

இப்படித்தான் சிலர் தேசபக்தியை காசாக்குகிறார்கள்:)
            ''கொடியை ஏற்றிவிட்டு அந்த கஞ்சப் பிசினாறி கடைக்காரர் , புத்தியைக் காண்பிச்சிட்டாரா, எப்படி ?''
           ''மிட்டாயும் ,கொடியும் வேணுங்கிறவங்க ஒரு ரூபாய் கொடுத்து வாங்கிக்கணுமாம் !''

தலைகீழாய் நின்று கொடி வணக்கம் செய்ய முடியாதே :)
           ''தலைநிமிர்ந்து கொடிவணக்கம் செய்யவேண்டியவங்க ஏன் தலைக் குனிஞ்சு நிற்கிறாங்க ?''
          ''தலைவர் ஏற்றின கொடி தலைக்கீழா பறக்குதே !

 வீட்டிலாவது சுதந்திரம் உள்ளதா :)
        எறும்புகளே ...
        எந்தக் கோட்டையில் கொடியேற்ற 
        நீண்ட அணிவகுப்பு நடத்துகிறீர்கள் ?
        பாதுகாப்பாய் எப்படி வாழ்வதென்று 
        உங்களிடம் இருந்துதான் நாங்கள் கற்றுக் கொள்ள நினைக்கிறோம் ...
        பிரதமரே பாதுகாப்பாய் குண்டு துளைக்காத கண்ணாடி பின்னால் இருந்து எங்களை வாழ்த்துவதால் !

Tweet