பெண்டாட்டிக்கு பயப்படக் காரணம் :)

இனிமேல் வாய் திறந்து பரிசுன்னு கேட்கப் படாது :)            
            ''என்னங்க ,என் பிறந்த நாளுக்கு பரிசுன்னு சீட்டுக்கட்டு தர்றீங்களே,ஏன் ?''
             ''நிறைய டைமண்ட்ஸ் இருக்கிற பரிசு வேணும்னு நீதானே கேட்டே ?''

கனவுக் கன்னி தெரியாமல் போயிருப்பாளா :)           
           ''என்னங்க , தூங்குறப்போ எதுக்கு கண்ணாடியை  போட்டுக்கிறீங்க
  ?''
            ''கனவுலே எல்லாமே கலங்கலாத் தெரியுதே !''

நல்ல வேளை,தமிழில் மொழிபெயர்க்கலே :)
         '' நம்ம சென்னை ஏர்போர்ட்டில்,மேற்கூரை ,கண்ணாடி எல்லாம் அடிக்கடி இடிந்து விழுதுன்னு சொல்றாங்க,நீங்களும் எதுக்கு இடிந்து போய் உட்கார்ந்து இருக்கீங்க ?'' 
         ''எல்லாம் இந்த போர்டைப் படித்துதான் !''

பெண்டாட்டிக்கு பயப்படக் காரணம் :)
          ''பெண்டாட்டி கேட்டதெல்லாம் வாங்கிக் கொடுக்கிறீங்களே ,அவ்வளவு பாசமா ?''
          ''அட நீங்க வேற ,ஆசையா கேட்டதை வாங்கித் தரலைன்னா ஏழு ஜென்மத்திலேயும் இவதான் பெண்டாட்டியா வருவான்னு ஜோதிடர் சொல்றாரே !''

ராதா எப்பவுமே ராதாதான் :)
           ''ஒரு கேள்வி கேட்டா பதில் சொல்லத் தெரியலே ,ஊர்லே இருக்கிற பொண்ணுங்க பேரை கேட்டா மட்டும் தலைக்கீழா சொல்லத் தெரியும் !''
            ''அதெல்லாம் இல்லை சார் !''
            ''என்னாஅதெல்லாம் இல்லே ?''
             ''ராதாவை  ராதான்னுதான் சொல்லுவேன் ...தாரான்னு சொல்லமாட்டேன் சார் !''

சினிமா மோகம் படுத்தும் பாடு :)
       சாத்தானின் சமையல் அறையை  ...
       கேள்விப்பட்டு இருப்போம் ,பார்த்தும் இருப்போம் 
       ஆனாலும் எதுவென்று நினைவுக்கு வராது ...
        ஏன்னா,அதையும் நாம் குணா குகை ஆக்கிவிட்டோமே ! 
---------------------------------------------------------------------------------------------------------
    குறிப்பு ...கொடைக்கானல் குணா குகையின் உண்மையான பெயர் 'Devil's kitchen ,தமிழில் சாத்தானின்  சமையல் அறை ,சரிதானே ?

Tweet