தோழியின் அருமையான யோசனை :)

பிஸினஸ் டெக்னிக் தெரியாதவர் :)            
              ''லட்சக்கணக்கான போட்டோ எடுத்த அனுபவம் இருந்தும் என்ன பிரயோசனம் .....என்  ஸ்டுடியோவுக்கு  யாருமே  வர மாட்டேங்கிறாங்க ..என்ன காரணமாயிருக்கும் ?''
               ''ஆதார் கார்டு ஸ்பெசலிஸ்ட் என்ற வாசகம் போர்டிலே இருக்கே ,எவன் வருவான் ?''

பிஸினஸ் டெக்னிக் தெரிந்தவர்:)  
         ''HALLMARK ன்னு போட்டிருக்கு ,ஆனா  நகைங்க கறுத்துப் போச்சே !''
         ''கடையிலே போய் கேட்க வேண்டியது தானே ?''
         ''நல்லாப் பாருங்க , HALF MASS ன்னுதான்  போட்டு இருக்கோம்னு சொல்றாங்க !''

தோழியின் அருமையான யோசனை :)         
            '' ஒண்ணு ரெண்டுன்னு எண்ணினா, கோபம் போயிடும்னு நீ சொன்னது சரிதாண்டி !''
           ''பத்து வரைக்கும் எண்ணியிருப்பியா?''
           ''எட்டாவது அடிக்கே, என் வீட்டுக்காரர் மயங்கி விழுந்துட்டாரே!''

கோர்ட்டுக்கு போனாலும் அவர் வாதம் செல்லாது :)    
              '' கிழிஞ்சிருக்கிற  என் சட்டை ,பனியனைப்  பார்த்தாலே ,என் மனைவியோட கோபம் உனக்கு புரிந்து இருக்கணுமே !''
             ''அட நீ வேற ,நான் படுற ஊமை அடியை எப்படி  காட்ட முடியும் ?'' 

மேஜர் ஆகாதவன் மேனேஜரா வந்தா, இப்படித்தான் :)             
             ''உங்க மேனேஜருக்கு நக்கல் ஜாஸ்தியா ,ஏன் ?''
            ''தலைக்கு மேலே வேலை இருக்குன்னு  லீவு கேட்டா ...ஹேர் கட் பண்ணிக்க பெர்மிஷனே போதுங்கிறாரே!''

திருமணம் வேண்டாம் என்ற தீர்க்கதரிசிகள் !
        குளிக்க ,துணி துவைக்க குடிநீரை பயன்படுத்தாதே என கணவன்மார்கள் சொன்னால் ...
        மனைவிமார்கள் கேட்கமாட்டார்கள் என்பதால்தான் ,
        பொதுநலம் விரும்பிய சில தலைவர்கள் திருமணமே வேண்டாம் என்றார்கள் போலும் !

Tweet