காதலி காலணியைக் கழட்டாததால் ,இந்த காலணி பரிசோ :)

ஒரு வேளை நம்பிக்கை இல்லா தீர்மானம் வரப் போவுதா :)
               ''சட்டசபையில் நிறைய இடங்களில் எதுக்கு முதல் உதவிப் பெட்டி வைக்கிறாங்க ?'' 
               ''வர்ற கூட்டத் தொடரில் நிச்சயம் கைகலப்பு நடக்கும்னு  ஒரு அனுமானம்தான் !''
மலேசியாவில் மட்டும் கபாலி ஏன் கெட்டவரானார் :)
               ''மலேசியா சினிமா சென்சார்  போர்டிலே இருக்கிறவங்க ,ரொம்ப ரோசக்காரங்களா, ஏன்  ?''

              ''கபாலி  போலீசில் சரண் அடைந்தார்னு, கிளைமாக்சில்  போட்டால்தான் இங்கே ரிலீஸ்  பண்ண முடியும்னு சொல்லிட்டாங்களாமே !''

அப்பனுக்கு  எதிரி வேறெங்கும் இல்லே :)           
               ''மாப்பிள்ளை ,வரதட்சணையா  கார் கேட்குறீங்களே ,என்ன தைரியம் உங்களுக்கு ?''
               ''எல்லாம் உங்க பொண்ணு கொடுக்கிற தைரியம் தான் ,கேட்கச் சொன்னதே அவங்கதானே !''

காதலி காலணியைக் கழட்டாததால், இந்த காலணி பரிசோ :)
          ''காதலிக்கு  கொலுசு வாங்கித் தரப்போறீயா ,ஏன் ?''
           ''தயங்கித் தயங்கி நான் காதலை அவளிடம் சொன்னப்போ ,காலணியைக் கழட்டாம இருந்தாளே,அந்த நன்றிக்காகத்தான் !''

குடிகாரனின் சப்பைக்கட்டுக்கும் ஒரு அளவில்லை:)               
             ''நீங்க மொடாக்குடியன் ஆவதற்கு  காரணம்   லேண்ட் லைன் போன்னு எப்படி சொல்றீங்க ?''
              ''அது ,டிரிங்க் ,டிரிங்க்ன்னு மணி அடிச்சுக்கிட்டே இருந்ததே !''

காசு பணம் துட்டு மணி இருந்தாதான் மதிப்பு :)
  சாமிகளிலும் டாட்டா ,பிர்லாக்கள் உண்டு ...
  தரித்திர நாராயணன்களும் உண்டு !

Tweet