காதலியின் கெடுவுக்கு காரணம் :)

படித்ததில் இடித்தது :)
                ''வேஷ்டி வாங்கிட்டேன் ,இங்கிலீஷ் நல்லா பேசப் பழகணும்னு ஏண்டா சொல்றே ?''
                 ''போறப் போக்கைப் பார்த்தால், இங்கிலீஷ் பேசத் தெரிந்து வேஷ்டி  கட்டினவங்களுக்கு மட்டும்தான் மாலில் அனுமதின்னு சொல்வாங்க போலிருக்கே !''
இடித்த செய்தியின் தொடுப்பு ....வேட்டிக்கு அவமரியாதை :(

காரம் பிடிக்கும் ,அதிகாரம் :)      
          ''உங்களுக்கு காரம் பிடிக்கும்னா மனைவிகிட்டே செய்யச் சொல்ல வேண்டியதுதானே ?''
         ''அவளுக்கு என்னை அதி 'காரம்'  பண்ணத்தானே  பிடிக்குது ?''

ஆத்திரப் படுவதிலும் நியாயம் இருக்கே :)
           ''பரோல்லெ  வெளியே போய் ,யாரைக் கொலைப் பண்ணிட்டு   வந்திருக்கே ?''
            ''நல்லா வருவேன்னு எனக்கு நேமாலஜிப் படி பெயர் வைத்தவரைத்தான் போட்டு தள்ளிட்டுவந்தேன் !''

காதலியின் கெடுவுக்கு காரணம் :)
          ''என்னடா  சோகமா இருக்கே ,உன் காதலி  என்ன சொல்லிட்டு போறா ?''
         ''நாளைக்கே ஓடிப் போறோம் ...தாலிக் கயிறு என்  கழுத்துலே தொங்கணும்...இல்லேன்னா ..கயிறிலே என் கழுத்து  தொங்கும்னு மிரட்டிட்டு போறாடா!''

கொடாக்கண்ட மாமனாரும்  , விடாக்கண்ட மாப்பிள்ளையும்  :)
          ''மாசக்கணக்கா டேரா போட்டிருக்கிற மாப்பிள்ளைக்கு நாசூக்கா புரியவைக்க Gமெயில் அனுப்பினது, வம்பாப் போச்சா ,ஏன் ?''
        ''விருந்தும் மருந்தும் மூன்று நாள்னு அனாமி பெயர்லே அனுப்பினது யார்ன்னு தெரிஞ்சுக்காமே வீட்டை விட்டு போக மாட்டேன்னு அடம் பிடிக்கிறாரே !''

பேதை தந்த போதையினால் மிதப்பா :)
விமானம் தரை இறங்கிய பின்பும் மிதந்துக் கொண்டுதான் இருக்கிறேன் ...
விமானப் பணிப்பெண்ணாய் என்னவள் !

மொபைல்வாசிகள், தமிழ்மண வாக்களிக்க  இதோ லிங்க் ..http://tamilmanam.net/rpostrating.php?s=P&i=1467083

Tweet