வெளி நாட்டுக்குப் போகுமுன் ......:)

ஜால்ரா சத்தம்  காதைக் கடிக்குதே:)
         ''புது  மேனேஜருக்கு ஜால்ரா அடித்தால் பிடிக்காது போலிருக்கா , ஏன் ?''
          ''அவர் ,கானல் நீர் தெரியுதுன்னார் ..ஆமா சார் ..அதுலே மீன் நீந்தி விளையாடுதுன்னு  சொல்லித் தொலைச்சிட்டேன் !''

வெளி நாட்டுக்கு போகுமுன் ......:)
            ''நீ  குடும்பத்தோட  உலக  டூர்  போறதை வாழ்த்தி ,போஸ்டரெல்லாம் போட வேண்டாம்னு ஏன் சொல்றே ?''
           ''கொள்ளைக்காரனுக்கு  நாமே  வெற்றிலைப் பாக்கு வைச்ச மாதிரி ஆயிடும்ணுதான்!''

படத் தலைப்பே ரிசல்ட்டை சொல்லிவிடுமா :)
        ''எப்ப பார்த்தாலும் தலையிலே துண்டை போட்டுக்கிட்டு  இருக்காரே ,அவர் யாரு ?''
         ''உச்சி வெயில்  படத் தயாரிப்பாளர்தான் !''

ஊடகங்கள் செய்யும் உன்னதப் பணி :)
ஏழு  ஆண்டுகளாக  உள்தாளே ஒட்டிக் கொண்டிருப்பதால்  ...
செவ்வாயில் மண்ணைத் தோண்டி ஆராய்ச்சி என்பதை விட முக்கிய செய்தியான 
'குடும்ப அட்டையில்  உள் தாள் ஒட்டும் பணி 'என்ற செய்தி 
இந்தாண்டு நம்ம ஊர் மீடியாக்களில் இல்லாமல் போய்விட்டது:)

Tweet